Siman jaon nakaputi sa imo kilid? Sa tuo, nubalhin sa waya?
Di nimo makita? Hala tiwas, siman baja ton? Puya raba an mga mata.
Hehe!
Jari na kami sa Agusan del Sur State College of Agriculture and Technology, Bunawan, Agusan del Sur magtrabaho hampan maghuya.
Nataudtauran sab adiser ako makapaskin dinhi sa blog site nako.
June 16, 2017 kami nagsugod dinhi.
July 19 or July 21, 2017
58th Araw ng Bunawan an una na naakipan namo na kalihokan nan LGU dinhi sa bag`o na lugar na amo taghuy`an.
Bibo karajaw an amo naabtan, mura nan napadajun an kabibo na amo naagihan sa Alegria, Surigao del Norte kun hai nan June 15, 2017 amoy ako last na pag`akip sa kalihokan nan LGU didto. Nag-emcee ako sa ila Araw nan Alegria. An nakagana kay hapit dungan ra an mga pagsaulog nan duha ka lugar na arang kaimportante sa amo.
Sa sugod nubati kami nan kamingaw. Nan nadugay, naanad na kami. Hampan nakakita kami nan mga marajaw nan Bunawanon o Agusanon na nagpabati sa amo nan banay na pagtagad.
Ilabi na si SUC President II, Dr. Juarlito V. Garcines sanan an ija buotan na asawa Madam Rhodora D. Garcines.
Nakilaya sab namo si J sanan Mitos na amoy una nagpahuya sa amo tungod sa pagpakilaya ni Mr and Mrs. Balighot. Jari man an mga Surigaonon isad na Si Sir Bernie, Ma'am Graciela sanan si Sir... nakalimut ako, pagkatiguyang na ba anhi nan nagbasa. Hahaha.
Ipadajun ko an pagsuyat silom.
Nagkape kaw? Ajaw palabi, basin di kaw katuyog.
